Kongunadu

கொங்கின்சிறப்பு

வரலாற்றுக் காலத்திற்கு முற்பட்ட கால நாகரீகத்தை விளக்கம் தொல்பொருள்கள் கொங்கு நாட்டில் தான் மிகுதியாக உள்ளன.

பன்னிரண்டு ஆறுகளில் 90 இடங்களில் அணை தேக்கி, காடு கொன்று நாடாக்கி, குளம் தொட்டு வளம் பெருக்கி, கோயிலோடு குடிமக்களுக்காக ஊர் ஏற்படுத்தியவர்கள் கொங்கு மக்கள்.

தில்லைப் பொன்னம்பலத்தில் எத்தனையோ பேர் பொன் வேய்ந்தாலும் முதலில் பொன்வேய்ந்த ‘ஆதித்தன்’ கொங்கு நாட்டு பொன்னைக் கொண்டு பொன்வேய்ந்தான் என்று சைவத்திருமுறை கூறுகிறது. பொன் நாடு தான் கொங்கு நாடு ஆயிற்று, கொங்கு என்ற சொல்லுக்கே பொன் என்ற பொருளும் உண்டு.

அளவு கருவிகளுக்கு கூட ‘கொங்குநாழி’ ‘கொங்கு முறம்’ என்று பெயர் வைத்து மகிழ்ந்தவர்கள் கொங்கு மக்கள். கொங்கின் மீது பற்றுக் கொண்ட காரணத்தால் ஒரு புலவர் எப்படிப் பாடுகிறார் என்று பாருங்கள் ‘கொங்கத்தின் மண்ணே சுகம் தரும் அல்லால் வேறு கோருவோர் அறிவு குறையும்’ என்கிறார். ‘கொங்கு மலிந்தால் எங்கும் மலியும்’ ‘கொங்கு செழித்தால் எங்கும் செழிக்கும்’ ‘கொங்கில் வாழான் எங்கும் வாழான்’ ‘கொங்கு அழிந்தால் எங்குமழியும்’ என்பது முதுமொழி.